LPS Quiz ’07, Bible thu hmanga inelna chu a kal chho mek zel a, Zarkawt Branch KTP aiawh Pu Lalhmingmawia leh Tv. H. Malsawma te pawhin ni 8 August ’07 (Nilaini) zan khan 2nd Round an paltlang ve leh ta. 2nd Round-ah hian Ramthar North Branch KTP te nen kan inel a, kan inhnehtawk viau laiin Rapid Fire round (last round) ah kan tih that zawk avangin chak zawk nihna kan chang ta a ni.
LPS Quiz hi a huhoin Zarkawt Kohhran Centenary Hall-ah en thin a ni a. In lama lo tangte tana zawhna an siam chu lo chhan thin a ni. Tan a na duh khawp mai a, 3rd Round-ah chuan Kohhran mipui thahnem zawk kal khawm thei ila a duhawm hle.
Kan branch atanga Quiz-a tel te hi an fakawm in an chhuanawm tak meuh a. An hun kal tawhte thlir phei chuan hetianga an tel leh thei ta mai hi a ropui leh zual a ni. An kal leh zelna turah tawngtaipui sauh sauh ang u.
