Ni 11th atanga ni 14th March, 2008 thleng khan 7th Inter District Team Championship leh 23rd Mizoram Badminton Association Official Ranking Tournament 2007-2008 Government Higher Secondary School Hall-ah neih a ni a. He inelnaah hian Zarkawt Badminton Club pawh Men’s atanga Sub-Junior thlenga telvein champion em chu an ni lo chungin an thleng sang hle a, an dinhmun chu hetiang hi a ni.
1. Men’s Team Event – Runners Up
2. 35+ Team Event – Runners Up
3. 45+ Team Event – Runners Up
Tin, Zarkawt Badminton Club hi MBA Official Ranking-ah hian an chhuak nghal a, heng dinhmun hi an hauh phah a ni.
1. Men’s Single – Lalhmingsanga – 3rd Place
2. Men’s Doubles – Lalthansanga & Lalnunsiama – 3rd Place
3. 35+ Men’s Doubles – John Zonunthara & Lalremruata – 3rd Place
4. 45+ Men’s Doubles – F.Vanlalpeka & K.Lalbiakhluna – 3rd Place
5. 50+ Men’s Doubles – Vanlalsawma & F.Vanlalpeka – Champion.
ZKBC member-te hian tournament neih a nih hma hian committee-te neiin tournament-a telna turin an member zingah fund raise nan thawhlawm an intuk a, thahnemngai taka an thawhlawm avangin an hruaitute an lawm hle a, thahnemngai taka thawhlawm thawhtu member-te zawng zawngte hnenah lawmthu an sawi a ni.
He tournament hi ni 14.3.2008 khan closing function neih a ni a, Hon’ble Minister Pu K.Sangthuama chu khual lian a ni a, badminton lovers te tana fuihna thu tha tak tak a siam bakah lawmman te hi a sem a, ZKBC member-te pawh tarlan tawh ang hian lawmman duhawm tak tak an rawn hui a ni.
